dumengia, 28.06.2026, 14:00
Holzk(n)opfmusi a la festa da minigolf Tschlin
Ustaria Tschlin (ed ulteriurs lös in cumün)
L‘ultima fin d‘eivna da gün as transmüda Tschlin in ün percuors da minigolf. Desch tragets mainan tras tuot cumün – sur bügls e tets, tras tablats e giassas e sper portas chasa via. Cun as partecipar as scuvrischa lös cuntschaints our d‘otra perspectiva – i vala in mincha cas la paina. La dumengia davomezdi 28 gün (14:00 – 17:00) pissera la Holzk(n)opfmusi dad Ischgl/AT per bun‘atmosfera per giovadras e giovaders sco eir pel public. La chapella as cumpuona da set musicantas e musicants da la Musikkapelle Ischgl. Lur marca: ün‘occupaziun na fich üsitada sco eir bler sentimaint e plaschair da far musica. Els muossan in möd exemplaric cha musica populara po e dess eir gnir sviluppada inavant.
Holzk(n)opfmusi: Thomas Jehle: clarinetta, clarinetta da bass | Nicole Salner: clarinetta | Raphaela Mark: clarinetta | Gabriel Walser: clarinetta da bass | Johanna Juen: arfa | Claudia Jehle: ghitarra | Michael Wolf: steirische
L‘entrada per las producziuns da musica es libra. La partecipaziun al turnier da minigolf cuosta 15 .– (creschüts) / 10 .– (uffants). annunzchar fin als 25 gün 2026: info@somalgors74.ch .
collavuraziun cun: Somalgors74