Chi eschna?
«musica in cumün» es üna società d’ütil public chi promouva ed organisescha occurenzas da cultura a Tschlin / Valsot ed in tuot la regiun. I’l center sta la promoziun da la musicalità da Tschlin e da l’intera regiun. Implü laina ragiundscher cha la sala polivalenta, l’anteriura chasa da scoula da Tschlin sco eir oters stabilimaints in cumün gnian dovrats plü suvent. I dessan gnir realisadas occurenzas culturalas chi pussibilteschan barats ed inscunters. A lunga vista less «musica in cumün» promover e sustegner ulteriuras activitats regiunalas da different gener.
Ils 20 december 2023 dombra nossa società 100 commembras e commembers.
Quia chatattast ils statüts da nossa società: Statuten_musicaincumuen.pdf
