No vain grond plaschair da pudair communichar ufficialmaing cha Sergio Moreira ha decis da surtour l’Ustaria Tschlin a partir da la stagiun da stà 2024. Sergio Moreira es ün cuschinunz paschiunà, versà e fich motivà. Daspö blers ons abita el cun sia famiglia a Ramosch.
Fich suvent es Sergiò stat preschaint sco cuschinunz in nos cumün dürant ils ultims ons. Adüna darcheu ha el cuschinà per occurenzas da societats o eir pisserà per buns mangiars ad üna o tschella festa da famiglia.
Nossa società es fich cuntainta cha Sergio pissera in pac temp pel bainstar dals giasts da l’Ustaria Tschlin – sco cuschinunz, ma eir sco manader da l’ustaria.
Üna contribuziun detagliada davart Sergio e davart l’inter concept da l’Ustaria Tschlin as poja leger illa prosma gazetta da Bun Tschlin.